اسپتال انتظامیہ کے مطابق حنیف عباسی دل میں تکلیف محسوس کر رہے تھے جس کی وجہ سے انھیں فوری طور پر کیمپ جیل انتظامیہ نے پی آئی سی منتقل کیا۔
اسپتال میں ان کے دل سے متعلق ٹیسٹ کرنے کے بعد ان کی اینجیوپلاسٹی کردی گئی ہے۔
پاکستان مسلم لیگ ن نے حنیف عباسی کی طبیعت کی ناسازی پر اظہار تشویش کیا ہے۔
پاکستان مسلم لیگ ن کی ترجمان مریم اورنگزیب نے پارٹی رہنما حنیف عباسی کی طبیعت کی ناسازی پر اظہار تشویش کرتے ہوئے عوام سے اپیل کی ہے کہ حنیف عباسی کی جلد صحت یابی کے لیے دعا کریں۔
واضح رہے کہ لیگی رہنما حنیف عباسی کو 21 جولائی 2018 کو ایفی ڈرین کیس میں عمر قید کی سزا سنائی گئی تھی، جس کے بعد وہ اڈیالہ جیل میں قید تھے۔
تاہم ایون فیلڈ ریفرنس میں سزا معطلی کے بعد سابق وزیراعظم نواز شریف کی رہائی کے موقع پر جیل سپرنٹنڈنٹ کے کمرے میں حنیف عباسی کی موجودگی کا معاملہ سامنے آنے کے بعد انہیں اٹک جیل منتقل کردیا گیا تھا۔
گزشتہ برس اکتوبر میں آئی جی جیل پنجاب شاہد بیگ کے مطابق حنیف عباسی کو ان کی صحت کے پیش نظر لاہور منتقل کیا گیا۔
from سچ ٹی وی اردو - تازہ ترین خبریں http://bit.ly/2sVmAyM
0 comments: