ایبٹ آباد میں گھر کے کمرے میں گیس بھر نے سے پورا خاندان جاں بحق ہوگیا، خاندان میں تین بچے اور والدین شامل تھے۔
پولیس کے مطابق افسوس ناک واقعہ ہفتے اور اتوار کی درمیانی رات کو پیش آیا جس میں ایک ہی خاندان کے 5 افراد دم گھٹنے سے جاں بحق ہوگئے۔
پولیس کا کہنا تھا کہ ’قلندر آباد کے رہائشی نوید اور ان کی اہلیہ سمیت 3 سے 7 برس کے تین بچے رات کو گیس ہیٹر جلا کر سوئے تھے‘۔
انہوں نے بتایا کہ ’کمرے میں گیس بھر جانے سے تمام افراد کی موت واقع ہوئی جبکہ گیس کے اخراج کے لیے کوئی انتظام نہیں کیا گیا تھا‘۔
اس حوالے سے پولیس نے مزید بتایا کہ ’مقتولین کے رشتے داروں نے پولیس کو پوسٹ مارٹم کرانے کی اجازت نہیں دی‘۔
from سچ ٹی وی اردو - تازہ ترین خبریں http://bit.ly/2SFiqq7
0 comments: