انگلش پریمیئر لیگ کے میچ کے دوران میدان میں کیلے کا چھلکا پھینکنے پر ٹوٹنہم کے ایک فین کو گرفتار کر لیا گیا ۔
انگلش پریمیئر لیگ کے دو بڑے حریف فٹبال کلب ٹوٹنہم اور آرسینل امارات اسٹیڈیم میں مدمقابل آئے اور میچ کے 10 ویں منٹ میں آرسینل کے فٹبالر پیئری ایمرک اوبا مینگ نے گول اسکور کر کے اپنی ٹیم کو برتری دلا دی۔
اس موقع پر گول کا جشن منانے والی ٹیم کی جانب ٹوٹنہم کے شائقین نے کئی چیزیں پھینکیں جن میں کیلے کا چھلکا بھی شامل تھا۔
ٹوٹنہم کے ترجمان نے کہا کہ اس طرح کا رویہ برداشت نہیں کیا جائے گا اور فین سے تفتیش کے بعد پابندی عائد کر دی جائے گی۔
میچ میں غیرمناسب رویے کا مظاہرہ کرنے پر مزید 6افراد کو بھی گرفتار کیا گیا
جس میں آرسینل کے دو شائقین بھی شامل ہیں۔ میچ میں آرسینل نے عمدہ کھیل پیش کرتے ہوئے 2-4 سے فتح اپنے نام کی اور لگاتار 19ویں میچ میں ناقابل شکست رہنے کے تسلسل کو قائم رکھا۔
from سچ ٹی وی اردو - تازہ ترین خبریں https://ift.tt/2Q8j16p
0 comments: