علی ترین نے کھلاڑیوں کے ساتھ نیٹ پریکٹس بھی کی جبکہ مقامی کرکٹرز سے پی ایس ایل ٹیم کے نام کے حوالے سے تجاویز بھی لیں،
کھلاڑیوں نے پی ایس ایل ٹیم کے نام کے حوالے سے ملے جلے رد عمل کا اظہار کیا،علی ترین نے شاہ رکن عالم درباراور کینٹ میں بھی عام شہریوں اورکرکٹ لورز سے ٹیم کے نام کے حوالے سے رائے لی، اس موقع پر گفتگو میں علی ترین نے کہا کہ ٹیم کا ایسا نام رکھیں گے جو جنوبی پنجاب کی بھرپور نمائندگی کرے،
مقامی کرکٹرز اور جنوبی پنجاب کے ہر ضلع میں شہریوں کے پاس جاکر ٹیم کے حتمی نام کے لیے ان کی رائے لیں گے،
علی ترین نے کہا کہ جنوبی پنجاب کی کرکٹ کو اس عروج پر لانا میرا مقصد ہے جبکہ وقار یونس اور انضمام الحق جیسے کھلا ڑی بھی انہی میدانوں سے قومی ٹیم میں پہنچے ہیں،
ایل ایم ایس کرکٹ لیگ کا دائرہ کار جلد ملتان اور لودھراں کے علاوہ جنوبی پنجاب کے دیگر اضلاع تک پھیلاؤں گا اور ایل ایم ایس کرکٹ لیگ سے ٹیلنٹ نکال کر قومی اور بین الاقوامی سطح پر مواقع فراہم کرینگے،
ہم جنوبی پنجاب کے مختلف اضلاع میں کرکٹ ترقی کے لیے گراس روٹ لیول پر کھلاڑیوں کو بہترین سہولیات فراہم کرینگے جبکہ کرکٹ گراؤنڈاور اکیڈییاں بنانے کا بھی ارادہ رکھتے ہیں۔
from سچ ٹی وی اردو - تازہ ترین خبریں http://bit.ly/2rW9KQ8
0 comments: