وزارت خارجہ نے وزیراعظم عمران خان کے غیر ملکی دوروں پر آنے والے اخراجات کی تفصیلات پیش کر دیں ہیں۔ کسی دورے پر چند لاکھ روپے خرچ ہوئے تو کسی پر کروڑوں کےاخراجا ت آئے۔
تفصیلات کے مطابق وزیر اعظم عمران خان کی جانب سے 18 ستمبر سے 20 نومبر تک کیے گئے غیر ملکی دوروں کے حوالے سے وزارت خارجہ کی جانب سے قومی اسمبلی میں جمع کرائے گئے تحریری جواب میں کہا گیا ہے کہ وزیراعظم عمران خان کے 6 دوروں پر 4 کروڑ 3 لاکھ 81 ہزار سے زائد اخراجات آئے۔
وزارت خارجہ کے مطابق سعودی عرب کے ایک روزہ دورے پر 30 لاکھ 99 ہزار سے زائد کے اخراجات ہوئے۔ ابوظہبی کے دورے پر 4 لاکھ 33 ہزار کے اخراجات آئے۔ اس کے بعد ریاض کے دوسرے دو روزہ دورے پر 8 لاکھ 70 ہزار سے زائد اخراجات آئے۔ جبکہ چین کے 5 روزہ دورے پر سب سے زیادہ 2 کروڑ 44 لاکھ سے زائد کا خرچہ ہوا۔
تحریری جواب کے مطابق وزیراعظم عمران خان کے 18 نومبر کو ابوظہبی کے دوسرے دورے پر 39 لاکھ 90 ہزار کے اخراجات آئے جبکہ ملائیشیا کے دورے پر 75 لاکھ 43 ہزار کے اخراجات آئے۔
from سچ ٹی وی اردو - تازہ ترین خبریں https://ift.tt/2ROHeLE
0 comments: