تفصیلات کے مطابق صوبہ سندھ اور خیبرپختونخواہ میں بلدیاتی نشستوں پرضمنی الیکشن کے لیے پولنگ کا آغاز صبح 8 بجے ہوا جو بلا تعطل شام 4 بجے تک جاری رہے گا۔
الیکشن کمیشن آف پاکستان کے مطابق خیبرپختونخواہ میں 364 اور سندھ میں 65 نشستوں پرپولنگ جاری ہے۔
سندھ کے 24 اضلاع میں ضمنی بلدیاتی الیکشن کے لیے 389 پولنگ اسٹیشنزقائم کیے گئے ہیں جبکہ کراچی کے 6 اضلاع میں 26 نشستوں پرووٹنگ جاری ہے۔
یوسی چیئرمین، وائس چیئرمین اورکونسلرز کی سیٹوں پرالیکشن ہورہا ہے، چیئرمینزکی 4 نشستیں رکن سندھ اسمبلی بننے والے ارکان نے خالی کیں۔
مجموعی طورپر سندھ بھرمیں 5 لاکھ سے زائد ووٹرز حق رائے دہی استعمال کریں گے۔
پشاورمیں ٹاؤن کونسلزکی سطح پر6 خالی نشستوں پرضمنی الیکشن ہو رہا ہے، بلدیاتی نشستوں پر ووٹنگ کے لیے 85 پولنگ اسٹیشنزقائم کیے گئے ہیں۔
واضح رہے کہ انتخابی معرکے میں پاکستان تحریک انصاف، پیپلزپارٹی، ایم کیو ایم، اے این پی اور جماعت اسلامی سمیت دیگر سیاسی ومذہبی جماعتوں کے علاوہ آزاد امیدوار بھی معرکے میں شامل ہیں۔
from سچ ٹی وی اردو - تازہ ترین خبریں http://bit.ly/2EGa5xZ
0 comments: