ڈیرہ غازی خان میں ٹرک اور کار میں خوفناک تصادم ہوا ہے جس کے نتیجے میں چار افراد جاں بحق ہو گئے ہیں۔
تفصیلات کے مطابق پنجاب کے شہر ڈیرہ غازی خان میں جامپور روڈ پر تیز رفتار ٹرک اور کار میں تصادم کے نتیجے میں ماں اور بیٹے سمیت ایک ہی خاندان کے چار افراد جاں بحق جبکہ دو شدید زخمی ہو گئے ہیں۔
ریسکیو ذرائع کے مطابق جاں بحق ہونے والے افراد آپس میں رشتہ دار تھے، جن میں 2سالہ عبداللہ اور اس کی ماں ماریہ بھی شامل تھی، دیگر جاں بحق افراد کی شناخت ایاز احمد اور حبیب اللہ کے نام سے ہوئی ہے۔
ریسکیو ذرائع کے مطابق حادثہ تیز رفتاری اور دھند کے باعث پیش آی۔ واقعے کے بعد ریسکیو ٹیم نے موقع پر پہنچ کر لاشوں اور زخمیوں کو ڈسٹرکٹ ہیڈ کوارٹر اسپتال منتقل کیا۔
پولیس کا کہنا ہے کہ ابتدائی معلومات کے مطابق ٹرک ڈرائیور موقع سے فرار ہو گیا ہے جس کی تلاش شروع کر دی گئی ہے۔
from سچ ٹی وی اردو - تازہ ترین خبریں http://bit.ly/2GOGS70
0 comments: