وزارت داخلہ کی جانب سے غیر ملکی این جی اوز کو آپریشن بند کرنے کیلئے دی گئی ڈیڈ لائن کا کل آخری روز ہے۔ اسلام آباد ہائی کورٹ نے وزارت داخلہ سے غیر ملکی این جی اوز پر پابندی کی تفصیلات طلب کرلیں۔
اسلام آباد ہائیکورٹ کے جسٹس عامرفاروق نےپاکستان میں انٹرنیشنل این جی او کی آپریشن بندکرنے کے حکم کے خلاف درخواست پر سماعت کی۔ وفاق کی جانب سے ڈپٹی اٹارنی جنرل راجہ خالدمحمود پیش ہوئے۔ جسٹس عامر فاروق نے استفسار کیا کہ این جی اوز پر پابندی لگانے کا آرڈرکہاں سے جاری ہوا ؟وجوہات کیا ہیں۔فنڈنگ پراعتراض ہے یا ان کے کام پر؟۔
وفاق کے وکیل نے بتایا کہ وزارت داخلہ نے آپریشن بندش کا حکم دیا ہے۔ آپریشن بند کرنے کیلئے این جی او کے پاس کل آخری دن ہے۔عدالت نے ڈپٹی اٹارنی جنرل کو آج ہی پیراوائزکمنٹس جمع کرنے کی ہدایت کی۔
عدالت نے حکم دیا کہ وزارت داخلہ کا متعلقہ افسران کل ذاتی حیثیت میں پیش ہوں۔ عدالت نے ڈپٹی اٹارنی جنرل سے پابندی لگانے کے طریقہ کار کی تفصیلات طلب کرتے ہوئے سماعت کل تک ملتوی کردی۔
from سچ ٹی وی اردو - تازہ ترین خبریں https://ift.tt/2ShNcEF
0 comments: