ان کے دورے کے بعد ملائیشین وزیراعظم مہاتیر محمد نے بطورِ خاص سماجی رابطے کی ویب سائٹ ٹوئٹر پر ٹوئٹ کر کے ان کا شکریہ ادا کیا اور اسے دونوں ممالک کے لیے خوش آئند قرار دیا۔
پیغام میں ملائیشیا کے وزیراعظم کا کہنا تھا کہ ’میں ملائیشیا کا دورہ کرنے پر آپ کا شکریہ ادا کرتا ہوں اور امید کرتا ہوں کہ آپ کا اور آپ کے وفد کا وقت ثمر آور رہا ہوگا‘۔
مہاتیر محمد کامزید کہنا تھا کہ’ مجھے یقین ہے کہ آپ کا دورہ دونوں ممالک، خطے اور عوام کے درمیان بہترین تعاون کے فروغ اور تبادلے کا باعث بنے گا‘۔
اپنے پیغام کے ساتھ ڈاکٹر مہاتیر محمد کی جانب سے وزیراعظم پاکستان عمران خان اور ان کے وفد کے دورہ ملائیشیا کی تصاویر بھی شیئر کی گئیں۔
@ImranKhanPTI I thank you for visiting Malaysia and I wish you and your delegation a productive time here. I am confident that your visit will spur greater cooperation and exchanges between our two countries and peoples, and our two regions.
— Dr Mahathir Mohamad (@chedetofficial) November 21, 2018
Credit ? : Jabatan Penerangan pic.twitter.com/ofVxjUMK3L
واضح رہے کہ وزیر اعظم عمران خان 20 نومبر کی رات کو ملائیشیا کے 2 روزہ دورے پر اپنے وفد کے ہمراہ کوالالمپور پہنچے تھے۔ وزیراعظم کے ہمراہ ملائیشیا جانے والے وفد میں و زیر خارجہ شاہ محمود قریشی، وزیر خزانہ اسد عمر اور مشیر برائے تجارت عبدالرزاق داؤد بھی موجود تھے۔
جہاں انہوں نے ملائیشیا کے وزیر اعظم مہاتیر محمد کے ساتھ مشترکہ پریس کانفرنس کی اور انہیں 23 مارچ 2019 کو یومِ پاکستان کی تقریبات میں شرکت کے لیے پاکستان آنے کی دعوت دی۔
ملائیشین وزیر اعظم نے پاکستانی ہم منصب کی دعوت قبول کرتے ہوئے کہا کہ وہ مارچ میں پاکستان کا دورہ کریں گے، ان کا مزید کہنا تھا کہ دونوں ممالک نے باہمی بات چیت کا سلسلہ جاری رکھنے پر اتفاق کیا تھا۔
بعد ازاں وزیراعظم پاکستان نے ملائیشیا کے بادشاہ سے بھی ملاقات کی تھی اور ملائیشیا میں موجود پاکستانیوں کے ایک اجتماع سے بھی خطاب کیا تھا ۔
from سچ ٹی وی اردو - تازہ ترین خبریں https://ift.tt/2BpCVRn
0 comments: