وزیراعظم عمران خان آج (پیر) اسلام آباد میں مون سون کی شجرکاری مہم کا افتتاح کریں گے۔
موسمیاتی تبدیلی کے بارے میں وزیراعظم کے مشیر ملک امین اسلم نے اتوارکے روز راولپنڈی میں صاف اور سرسبز پاکستان مہم کے سلسلے میں ایک تقریب سے خطاب کرتے ہوئے کہا کہ دس ارب پودے لگانے سے ملک سرسبز ہوگا اور ماحول پر مثبت اثرات مرتب ہوں گے۔
مشیر ملک امین اسلم نے کہا کہ ماحول سے تعلق رکھنے والی تمام عالمی تنظیموں نے اس اقدام کو سراہا ہے اور وہ دنیا کے دیگر مقامات پر اسی طرح کی تحریک شروع کرنے کیلئے جلد ہی پاکستان کا دورہ کریں گی۔ انہوں نے کہا کہ پاکستان موسمیاتی تبدیلی سے شدید متاثر ملکوں میں شامل ہے۔
مشیر ملک امین اسلم نے مزید کہا کہ اگر ملک کے سولہ کروڑ نوجوان ملک میں درخت لگانا شروع کردیں تو قدرتی مناظر میں مثبت تبدیلی آئے گی۔
from سچ ٹی وی اردو - تازہ ترین خبریں https://ift.tt/336Rp4t
0 comments: